LAOAG CITY – Intudingen ti Sandiganbayan Fifth Division ti aldaw para iti panagmarka dagiti ebidensia iti kaso a pluner kontra ken ni Sen. Jinggoy Estrada ken nagduduma pay nga akusado.
Maisayangkat ti umuna nga exhibit marking inton Hulio 3, 10, ken 24 iti oras ti alas-9 ti bigat ken ala-una ti aldaw.
Para met iti bail hearing, naikeddeng daytoy inton Hulio 8,9,13 agingga 17,20,ken 27 agingga 30 iti oras ti ala-una ti aldaw kabayatan a maituloy inton Hulio 31 iti alas-9 ti bigat.
Sakbay daytoy, maiwayat ti arraignment inton Hunio 30.
Karaman kadagiti akusado ket isuda dati a Department of Public Works and Highways (DPWH) Secretary Manuel Bonoan ken sumagmamano a Metro Manila engineering official.
