LAOAG CITY – In-acquit ti Sandiganbayan Special Second Division ti dati ng health secretary ken itan a House Deputy Speaker Janette Garin ken sumagmamano a dadduma pay nga health officials iti kaso a graft ken technical malversation mainaig iti kontrobersial a P3.55-billion a panaggatang kadagiti bakuna a Dengvaxia vaccines idi 2015.
Iti 43 a panid a decision a naiparuk-at idi Oktubre 13, inikkat ti anti-graft court ti kaso ni Garin ken dagiti kaduana nga akusado iti amin a case chargers, no sadinno a dinakamatna a saan a napaneknekan ti prosekusion ti pammabasol kontra kenkuada.
Namunganay daytoy iti panangitunos ti health department iti pondo ti gobrierno ken ti simmaruno a pannakaipaulog ti Special Allotment Release Order idi Desiembre 29, 2015, no sadinno a nailatang ti P3,556,155,900.00 para iti panaggatang kadagiti bakuna a Dengvaxia iti babaen ti School-Based Immunization Program ti gobrierno.
Nupay kasta, inkalentegan ti prosekusion a ti akusado ket nagtignay iti “evident bad faith” ken ti riribok iti Executive Order No. 49, series of 1993, a mangimandar a dagiti panaggatang ti gobierno iti drug procuments ket masapul a mailista iti Philippine National Drug Formulary.
Nupay kasta, nagdesision ti Sandiganbayan a saan nga umdas ti indatag ti prosekusion nga ebidensia ti “fraudulents and dishonest purpose”
Innayon ti korte a balido a mekanismo ti Department of Health a mangipasigurado kadagiti exemptions manipud iti Philippine National Drug Formulary para kadagiti national health programs.
