LAOAG CITY – Inbasura ti Sandiganbayan ti apela ni Pharmally official Mohit Dargani a makabiahe a rumuar iti pagilyan.
Ni Dargani ket sumangsango iti kaso a graft gapo iti maipagarop nga overpriced a panaglako kadagiti COVID-19 medical supplies.
Iti inparuk-at a resolution ti Fifth-Division ti Sandiganbayan, kukwestyunaran ti kinapateg ti 18 nga aldaw a biahe ni Dargani iti Spain, Germany ken Thailand.
Nakailanad iti Sandiganbayan a ti routine ket mabalin nga aramiden kas remotely wenno maysa laeng daytoy a panagpasyar.
Ummunan a kiniddaw ni Dargani a mapalubusan nga agbiahe manipud Nobyembre 10 agingga iti 29 tapno dumalan iti routine medical check-up, bisitaen ti pamilya ken agatendar iti kasar ti kasinsin na.
Plano na pay ti agatendar iti trade fair kenbusiness meeting iti sabali a pagilyan.
Innayon pay ti Sandiganbayan a saan a makaanay ti rason tapno idepensa ti flight risk gapo iti kaso a sangsangwen na.
Naamoan a ti kaadda ni Dargan ti Filipino ken Spanish passports ket adddaan met ti posibilidad nga aglibas apaman a makaruar iti pagilyan.
