LAOAG CITY – Inabsuelto ti Sandiganbayan ni dati a Senate President ken agdama a Chief Presidential Legal Counsel Juan Ponce Enrile iti graft charges a mainaig iti kontrobersial a pork barrel scam.
Iti resolusion nga inparuk-at ti Sandiganbayan, napasingkedan ti pannakaabsuelto ni Enrile, kasta met ti dati a chief of staff-na a ni Gigi Reyes.
Maipalagip nga idi 2015, pinalubosan ti Korte Suprema ni Enrile nga agpiyansa gapu iti humanitarian grounds, maysa a kontrobersial a tignay nga insurat ni dati a Chief Justice Lucas Bersamin.
Iti motion for reconsideration, dinakamat ti piskal ti testimonia dagiti kangrunaan a saksi nga isuda Benhur Luy ken Ruby Tuason.
Nupay kasta, inpetteng ti Sandiganbayan nga awan ti umdas nga ebidensia a mangipaneknek iti panagkukunsabo ken panangusar iti pondo a kasapulan iti kaso a plunder.
Iti pannakaabsuelto ni Enrile, kompleton ti trio dagiti dati a senador a nairaman iti pork barrel scam a naabsuelto, pakairamanan da dati a Sen. Bong Revilla ken Sen. Jinggoy Estrada.
Iti pakabuklan a proseso, ni Enrile laeng ti saan a nakapadas iti aktual a pannakaibalud, no di ket dimmalan iti hospital arrest sakbay a naipaayan ti temporario a wayawaya.
Iti pannakairuar ti desision, adda ni Enrile iti ospital nosadinno nakamonitor laeng babaen ti video conference.
