LAOAG CITY – Insigida a nag-post ti reaksion ni Sandro Muhlach iti online account-na kalpasan a naipublikar iti National Bureau of Investigation dagiti Close Circuit Television footage a naala idi parbangon ti Hulio 21 maipapan iti sexual abuse nga inpilana kontra kada Jojo Nones ken Richard Cruz ti Kapuso Network.
Nalawag ti eksakto nga oras a panagtalaw ni Sandro iti pagtartarusanna nga hotel a nagturong iti kabatog nga hotel no sadinno naka-check in dagiti dua nga inakusaranna.
Naala pay ti CCTV ti panagsubli ni Sandro iti hotel-na pasado alas sais ti bigat.
Basar iti National Bureau of Investigation agent, normal ni Sandro idi timmalaw isuna iti hotel no sadinno naggapu daytoy kada Nones ken Cruz a nakarikna ti anxious ken distressed.
