LAOAG CITY – Inpakaammo ni Sanngguniang Bayan Member Jonathan de Lara iti ili ti Solsona a nangputar ti konseho ti ordinansa seknan ti transport inspection fee wenno ti panagbayad dagiti transient buyers sakbay a mairuar ti baboy a magatang ti nasao nga ili.
Segun ken ni de Lara, napagnunumoan da daytoy nga opisyal gapu iti arig a pannakaibos ti maparti a baboy iti gubuay kadagiti aggatang a transient buyers.
Inbatad na nga arig nga agar-arikap dagiti partidor iti maparti a baboy gapo iti nangat-ngato a presyo a panggatang dagiti transient buyers, banag a tartarigagayan dagiti hog raisers.
Inlawlawag na nga iti kada maysa a baboy nga iruar dagiti transient buyers ket mabayatan iti 100 a pisos.
Kuna na a mabayadan ti nasao a fee babaen iti municipal treasurer.
Inbatad na a ti mapastrek manipod iti transport fee inspection ket 40% ti sumrek iti barangay ken munisipyo idinto a 20% iti biang ti PNP.
Immunan nga inbaga ni de Lara a kageddan ti pannakaipatungpal ti ordinansa ket napagbalin metten a 200 a pisos iti kada kilo ti live weight manipod iti dati a 160 a pisos iti kada kilo ken 300 a pisos iti kada kilo ti baboy.
