LAOAG CITY – Inpakaammo ni Sang. Bayan Member Marvin Pascua iti ili to Solsona, a bayat ti regular session da ket nangidatag isuna ti dua a resolusyon.
Umuna ditoy ti pannakaited ti pammadayaw iti Philippine National Police iti ili ti Solsona gapu iti ballaigi a buy bust operation da idi napan a lawas iti Barangay Manalpac no sadinno a nakakumpiskarda ti maysa a gramo ti mapappati a shabu.
Ti maikadwa a resolusyon ket ti pannaka-imbestigar ti napasamak a pammaltog iti Barangay Catangraran iti isu met laeng nga ili.
Naammuan a daytoy ket napasamak idi Enero 19 ken naamuan laeng ni Sang. Bayan Member Pascua idi Enero 25, no sadinn nga adda timmawag kenkuana a maysa nga indibidual a nagdamag ti progreso ti shooting incident idi Enero 19.
Gapu iti datoy ket ket kinumpirmaran na no agpayso daytoy iti biang ti Philippine National Police iti ili ti Solsona.
Ditoy a kinumpirmaran met ti hepe ti Philippine National Police iti nadakamat nga ili a ni PCpt. Randy Damo nga adda, ngem agpapan ita ket awan pay ti naan-anay nga impormasyon seknan iti daytoy.
Kasta pay a naammuan nga awan ti police report na ken saan a naipakaammo iti biang ti Sang. Bayan Members ken iti Office of the Mayor.
Masdaaw ni Pascua, ta apay nga awan ti police report na daytoy ket makapa-alarma daytoy nga isyu.
Kunana a no pannakapukaw laeng dagiti ayop a taraken ket adda police report na, no apay a ti pammaltog iti Barangay Catangraran ket awan.
Innayonna a daytoy ket betrayal pay kadagiti umili.
Gapu iti daytoy ket mismo a ni Sang. Bayan Member Pascua ti nagturog iti biktima ken kinuyog na daytoy a napan nagpa-blotter.
Innayonna a masapol a mangited pay ti Philippine National Police iti ili ti Solsona iti daily journal iti biang ti Sang. Bayan ken iti Office of the Mayor gapu kadagiti sumaganad nga isyu.
Kabayatanna, pursigido ni Pascua a maipasa ti resolusyon no pay nabara ti saritaan da iti session ket namnamaen na a maaksyonan daytoy gapu ta no maiwanwan pay laeng ket adda posibiladad a maulit manen.
