LAOAG CITY – Kinumpirmaran ni Atty. Ferdinand Ignacio a nagpatulong kenkuana da Sang Bayan member Aguto ken ni Sang bayan Gaño iti ili ti Sarrat seknan ti sangsangwen da a problema iti agdama.
Daytoy ket mainaig pay laeng ti pannakairamraman da iti mapukpukaw a 30 milyon a pisos a pondo iti ili ti Sarrat.
Inlawlawag ni Atty. Ignacio a ti nasao a pondo ket naiyalokar para iti ili ti Sarrat ngem saan a naiyimplementar no di ket naisubli iti Congresional Monitoring Office nga ibilang na nga illegal.
Gapu ti daytoy, inbilin ti Commission on Audit (COA) nga isubli dagiti opisyales a nadutukan a mangiyimplementar ti nasao a pondo no sadinno a nairaman ditoy dagiti dua a konsehal.
Maipalagip a naiget a naglikudan dagiti nasao nga opisyal nga adda ti inap-aprubaran da dagiti resolusyon seknan ti pannakaipalubos ken ni dati a Mayor ken agdama a Vice Mayor Edito Balintona tapno makipag-memorandum of agreement (MOA) iti opisina ni Congressman Roque Ablan Jr. para ti pannakaiyakar ti nasao a pondo iti ili ti Sarrat.
Mainaig ti daytoy, iti naduktalan nga kadagiti nadakamat a panawen a pannaka-aprubar da dagiti resolusyon ket awan pulos ti natrat-tratar mainaig ti daytoy.
Gapu ti daytoy, inbatad ni Ignacio a plano dagiti maseknan ti mangipila ti reklamo.
