LAOAG CITY – Naglikudan ni Sang Bayan Secretary Arthur Pascua iti ili ti Currimao ti isyu a maipagarop a nakainuman na ti maysa a naka-quarantine iti nasao nga ili.
Rumrumuar a napan binisita ni Pascua ti kabagyan na a naka-quarantine ket ditoy a naginom da kadwa da ti dua a sabsabali pay.
Segun ti impormasyon, maipagarop a rimuar ti kabagyan na a naka-quarantine ken naginom da iti mismo a ruwar ti quarantine facility.
Nupay kasta, inpasingked ni Pascua nga awan ti kinapudno na ti alegasyon kadakuada.
Inadmitir na a napan da iti quarantine facility ngem saan da a naggiinom no di ket napan da laeng
nakisarita.
Naamoan a ti nasao a quarantine facility ket abay laeng ti kwero ti pulisya ken maipagarop a sinita dagiti pulis ni Pascua ken dagiti kakadwa na maibagbaga a naggiinom.
Kabayatanna, naglikudan ni Police Capt. Michael Permison, ti chief of police iti ili ti Currimao ti impormasyon a sinita da dagiti maseknan.
Innayon na a basar iti nakaduty iti dayta a gundaway ket nagpakada laeng ti grupo ni Pascua a mapan da bisitaen ti simmangpet ken nai-quarantien nga anak na ti bunyag.
Inpakaammo ni Permison a maipalubos ti sagpaminsan a papan panagbisita ti kapamilya dagiti adda iti quarantine facility basta suruten da ti protocols kas ti panagusar ti face mask ken face shield ken maobserbar ti social distancing.
