LAOAG CITY – In-withdraw ni Sangguniang Panlalawigan Member Saul Lazo ti resolusyon a mangted bileg kenni Gov. Cecilia Araneta Marcos a mangibagi ti probinsia iti panang-execute dagiti amin a dokumento, reports ken dadduma pay a transaction iti Nuevo Solar Energy Corporation (NSEC).
Kasta pay ti panangipakita ti probinsia ti panangipalubos ken panangsuportada ti panangisyu ti Department of Environment and Natural Resources ti ‘NO OBJECTION’ iti pannak establisar ti proyekto iti Brgy. Paguludan iti ili ti Currimao.
Daytoy ket gapu ta masapol a saggaysa dagitoy ti resolusyon gapo ta dua a banag daytoy.
Naamoan a daytoy ket kalpasan a kwinestyunaran ni Sangguniang Panlalawigan Member Hanson Chua ken irekomendarna ti pannakaurnos daytoy gapu ta atiddog unay ken arigna agtitipon.
Mainaig iti daytoy, inlawlawag ni Atty. Pancho Jose, Legal Officer ti gobierno probinsial a ti nasao a resolution of support ket kas Cco-developer ken kalikagom da nga ipakita ti suporta da iti aplikasyon ti kompanya iti Department of Environment and Natural Resources ngem ti met laeng nadakamat nga ahensya ti mangted ti certification.
