LAOAG CITY – Kalikagom ti Sang Panlalawigan a ngumato pay ti presyo ti irik a gatgatangen ti National Food Authority ditoy probinsya.
Segun kenni Board Member Hanson Chua, author ti gakat a manggutgutigut iti nasao nga ahensya a mangestablisar ti ad-ado pay a lugar a pakaestablisaran ti buying station.
Malakasid iti daytoy, gagem ni Chua a saanen a sapulen ti National Food Authority ti passbook nga isu met ti kalikagom ti League of Municipalities of the Philippines.
Kunana a marigatan dagiti mannalon isut gapuna a no mabalin ket ikonsiderar ti National Food Authority ti daytoy a banag.
Mangnamnama a babaen iti daytoy nga addang da ket masolusyonan ti arungaing dagiti mannalon.
Immuna iti daytoy, inaprobaran ti Sang Panlalawigan ti resolusyon a mangiyendorsar ti kalikagom ti League of Municipalities of the Philippines.
