LAOAG CITY – Kinuwestyunaran ti Sangguniang Panlalawigan ti quarry council ditoy probinsia no in-inspeksyunen wenno imonmonitor da met laeng dagiti quarry site.
Naidasar daytoy iti session kalpasan a naobserbaran dagiti bokal kabayatan iti panagpasyar da iti ili ti Dingras, ken nalabsan da ti karayan iti Brgy. Barong ket nakita da ti saan a napintas a sitwasyon iti lugar.
Inbatad ti maysa a bokal a kasapulan a masolusyunan a dagus daytoy gapu ta sigurado nga awan ton ti pagayusan ti danom intono panawen ti panagtutudo.
Malaksid iti daytoy, inbatad na pay a naruay dagiti stockpile iti tengnga ti karayan a saan kuma a rumbeng.
Mainaig iti daytoy, kalikagum ti Sang Panlalawigan nga ipakaammo daytoy iti quarry council ken maawagan ti atensyon dagiti quarry permittee iti nasao a lugar.
