LAOAG CITY – Kidkiddawen ti Sang. Panlalawigan babaen ti maysa a resolusyon ti pannaka-iblacklist ti Katha Builders a maysa kadagiti contractor kadagiti sumagmamano a proyekto ditoy probinsya.
Segun ti chairman ti Committee on Infrastructure iti Sang. Panlalawigan, ti nasao a resolusyon ket maiturong kenni DPWH Sec. Mark Villar.
Ti nasao a proyekto ket ti flood control Barangay San Mateo ditoy ciudad ti Laoag.
Inbatad ti Chairman a kalpasan ti habagat a pinasar ti probinsya ket adda ti inysuwat ti komite a panaginspek iti nasao a proyekto ken ditoy a napaneknekan a substandard daytoy.
Kunana a kabayatan ti inspeksyon ket minandar da ti operator ti backhoe a tubtuben na ti maysa a paset proyekto ken narekobre a daytoy ket saan a naaramid baben ti stonemason way no diket riprap.
Naamoan a daytoy pay ti nagibasaran ti komite a mangkiddaw a mai-blacklist ti nasao a construction firm.
