LAOAG CITY – Inbatad ni Sangguniang Panlalawigan Member Atty. Vicentito Lazo a maaramid ti tallo a resolusyon nga adda ti pannakainaig iti hearing ti maipagarup a “miused og funds” ti probinsya idiay Kongreso.
Nailungalong a maaramid ti resulosyon a mangibabawi ti pannakaideklara a persona non grata ni Congressman Rodolfo Fariñas, resulosyon a mangkiddaw ti panagpadespensar ti Sangguniang Panlalawigan, ken resulosyon a mangibabawi iti naaramid a resulosyon a nangideklara a persona non grata ti diputado.
Kuna na nga iti naudi nga hearing iti kongreso ket nagpadespensar da kangrunaan kenni diputado Fariñas.
Gapu ta kalikagum da ti agpadespensar ket napanunot ni Lazo ti mangaramid ken mangipasa da kadagiti nasao a resulosyon a maiturong iti Kongreso iti sumaruno nga hearing intono Setyembre 25.
Kalikaguman ni Lazo a maipasa dagiti tallo a resulosyon tapno maliklikan ti pannakaidetine da agraman kenni Sangguniang Panlalawigan Secretary Mrs. Mildred Lamoste.
