LAOAG CITY – Patien ni Sang. Panlugsod Member Atty. Jason Perera, a ti ordinansa a pannaka-amendar ti special committee ti bidding ti carnival ken baratilyo ket saan a sakupen ti procurement act.
Daytoy ket kalpasan a ti nagbalin a rason ni Mayor Michael Marcos Keon iti panangi-veto na iti ordinansa ket gapu iti government procurement reform act.
Segun ken Perera ti procurement act nga isu ti rason ti Mayor nga in-veto na ti ordinansa ket awan ti pakaseknan na, gapu ta ti linaon ti Procurement act Section 4 ket para kadagiti laeng gatangen ti gobierno a goods, imprastruktura wenno services nga ipa-bid da wenno ginatang a mismo ti gobierno.
Inlawlawag na a daytoy maisingsingasing nga ordinansa ket saan a ti gobierno ti mangted ti kuarta iti maysa a highes bidder, no di ket ti highest bidder ti mangted iti gobierno iti gatad no sadinno a saanen a sakupen daytoy ti procurement act.
Kunana a ti kangrunaan a gagem da no apay a kayat da a maipasa daytoy ket tapno masigurado ti transparency iti gobierno gapu ta rumrumuar a saan da nga ammu no adda naangay a public bidding seknan iti daytoy.
Inbunanagnga nga adda linteg a nakailanadan a pito ti masapol a composition tapno mangconduct iti nadakamat a bidding para iti piestaan.
Inpetteng ni Perera a ti maisingsingasing nga ordinansa ket maysa a special committee saan nga ag-procure ken ti restriction a 5 agingga 7 ket maiyaplikar laeng kadagiti miembro ti certain bids.
Kunana a kastoy met laeng ti intensyon na kuma a mapasamak iti galyeraan ditoy ciudad ti Laoag nga imbes nga agpili ti Mayor ti paka-awardan ti prangkisa ket napinpintas kuma no highest bidder, nga isu ti gagem da met para iti baratilyo ken carnival.
Innayonna, a no maidalan ti bidding ket adda posibilidad a dakdakkel ti mapastrek ti ciudad ken makita pay dagiti qualification dagiti bidder.
Mainaig iti daytoy ket kalikagom ti Sang. Panlungsod members nga ilaban daytoy gapu ta kayat da nga ipaay ti rumbeng ken sangagasot a porsiento ti serbisyo ditoy ciudad.
