LAOAG CITY – Nagsurat ti sumagmamano nga agtagikua kada pasdek negosyo iti Sang Panlungsod ditoy ciudad ti Laoag.
Naipalaon iti surat dagiti maseknan ti panangkiddaw da a maisubli dagiti ambulant vendors nga adda iti daya ti kapitolyo probinsyal iti dati a pwesto da.
Nupay kasta, inbatad ti konseho a masapol nga adalen da a naimbag daytoy tapno awan ti tumaod a problema kangrunaan na ti possible ti panagirot ti trapiko iti lugar.
Inpasigurado met ti konseho a no makita da nga awan ti maapektaran iti nasao nga addang ket palubusan danton nga agsubli dagiti maseknan nga ambulant vendor iti dati a pwesto da tapno maymaysa a lugar ti pagyananda.
