LAOAG CITY – Kalikagom ti Sanguniang Panlungsod ditoy ciudad ti Laoag nangruna ni Konsehal Jason Perera a maikkan ti importansia ti pannakaimuntar ti CCTV kadagiti nagduduma a barangay, pakairamanan ti dakdakkel nga storage wenno hard drive.
Daytoy ket kalpasan a nakita dagiti kameng ti konseho ti kinapateg ti CCTV nangruna kadagiti kalsada.
Bayat ti naisayangkat a regular session iti ciudad ti Laoag ket inpetteng ni Perera ti importansya ti pannakaimuntar ti CCTV iti kalsada pakairamanan ti agdama nga ordinansa nga amin a pasdek negosio iti pagillian ket rumbeng nga addaan ti CCTV.
Kabayatanna, naituding a makitaripnong ti Sanguniang Panlungsod Members kadagiti opisyal ti barangay para iti plano a maikkan ti tunggal barangay iti ciudad ti dakdakkel nga storage gapo ta kalikagom da a maipada kadagiti pasdek negosio a masapol a ti kopya ti CCTV ket agpaot iti tallo a bulan. Maipalagip a gapu ay iti CCTV footages a naisubmitir iti maysa a kaso ti drug buy bust operation idi 2021 ket na-acquit ti akusado babaen kadagiti kopya dagitoy.
