LAOAG CITY – Kalikagom ti Sang Panlungsod a manayunan ti maipapaay a financial assistance dagiti Barangay Service Point Officers (BSPO) ditoy ciudad ti Laoag gapu iti kaado ti trabaho da iti uneg ti barangay.
Karaman kadagiti trabaho dagiti Barangay Service Point Officers ket ti panangipaay ti impormasyon seknan ti family planning, livelihood opportunities ken education, kasta pay ti development programs.
Naamoan a dagiti ar-aramiden dagiti Barangay Service Point Officers ket bisitaen da ti tunggal pamilya tapno idanun dagiti nasao nga impormasyon ken programa ti gobierno.
Inbatad ti Sang Panlungsod a babaen ti naipasa a resolusyon ket maipatungpal ti kalikagom da a manayunan ti financial assistance a maipapaay kadagiti Barangay Service Point Officers ditoy ciudad ti Laoag.
