LAOAG CITY – Inbabawi ti Sang Panlungsod ditoy ciudad ti Laoag ti nailungalong a pannakaipaay ti tulong pinansyal kadagiti babbai nga i-refer ti gobierno lokal a biktima ti sexual abuse and explotation.
Segun kenni Miss Perlita Cabello, ti mangidadaulo iti City Social Welfare and Development Office, saan a nalawag dagiti sumagmamano a punto a nakailanad iti Memorandum of Agreement.
Inbatad na a gapo iti daytoy ket nakikoordinar iti maseknan nga institusyon tapno mailawlawag dagitoy a banag.
Inpetteng na a kalpasan ti panagsasarita da ket naduktalan nga awan ti nakailanad iti manual of operation a saan da nga agsingsingir ti bayad kasukat ti serbisyo nga ipaay da no sadinno a ti aw-awaten da laeng ket donasyon.
Inbatad pay ni Cabello nga awan ti nakailanad a bayadan ti lokal a gobierno a 50% nu maikabil iti ospital dagiti tultulongan da.
Gapu iti daytoy, napagtutulagan ti City Social Welfare and Development Office ken ti Sang panlungsod nga ibabawi paylaeng ti nasao a lungalong tapno maikkan ti gundaway dagiti maseknan a pagsasaritaan daytoy a banag ken kalpasan a maurnus ti amin ket maidasar manen.
