LAOAG CITY – Indeklarar ti Sang Panlungsod nga invalid ti ordinansa nga inpasa iti Barangay Raraburan ditoy ciudad ti Laoag.
Gagem ti ordinansa a mapatawan ti multa ken maarestar dagiti saan a sumurot iti pagalagadan maipapan iti peace and order iti barangay.
Basar iti maysa a konsehal, saanda nga inaprobaran daytoy gapu ta nakailanad iti ordinansa a malaksid iti multa ket adda pay ti community service ken pannakaarestar dagiti violators babaen iti barangay tanod wenno baranggay officials .
Inlawlawag na a daytoy ket saan a maiparbeng nga aramid maibasar iti Section 391, a kayat na a sawen ket saan a mabalin a iti pannusa na ket agmulta ken maarestar.
Innayonna a kasapolan nga maawatan dagiti barangay officials dagitoy tapno ammo da nga usaren ti usto a legislative power da.
