LAOAG CITY – Naipasa iti Draft city ordinance no SP-2024-034 bayat iti regular session iti konseho, a makatulong iti suka industry ditoy ciudad ti Laoag.
Segun iti chairman ti Committee on Tourism, babaen iti nasao a lungalong ket mapapintas ti produksiyon, pannakailako iti Suka Iloco wenno Iloco vinegar ken Basi wenno sugarcane vinegar ditoy ciudad babaen iti naan-anay a pannakaipaay ti pinansial a suporta.
Innayon ti chairman iti komite a makatulong daytoy aglalo kadagiti agmulmula ken agar-aramid kadagiti nagduduma a produkto babaen iti unas ditoy ciudad ti Laoag.
Inlawlawag ti konseho a ti draft ordinance ket naaramid idi 2024 ngem ita laeng a tawen a natratar gapo iti naladaw a pannakaipaay ti certification of availability of funds wenno kinakurang ti pondo iti kallabes.
