LAOAG CITY -Kalikagum ti presiding officer ti Sanguniang Panlungsod a mangaramid ti maysa a bubon para iti merkado publiko ditoy ciudad ti Laoag.
Daytoy ket tapno masolusyunan iti kinakurang ti supply ti danom iti Laoag City Public Market para kadagiti umili a nakapwesto iti nasao a merkado publiko .
Segun kenkuana, iti panangidasar na daytoy iti konseho ket inanamungan dagiti miembro isut gapu na a nagdesisyon dagitoy a mangkita iti lugar a pakaaramidan ti bubon tapno adda ti pangalaan a dagus iti supply ti danom.
Kuna na a makisarita danto iti City Engineering Office tapno makabiruk ti pakaestablisaran ti bubon.
Inbatad na a napintas no iti asideg iti Padsan River ti pakaaramidan iti bubon tapno sigurado nga ad-ado iti maalada a supplay ti danom.
Kabayatanna, kunana a daytoy a plano ket mangited iti naan-anay a supply ti danom ken saan dagitoy a marigatam nga agbirok ti pangalaan nangruna ita a dandanin iti panawen ti kalgaw a mangitunda ti panagkapsot ti supply ti danom nga agbalin a problema dagiti aglaklako.
