LAOAG CITY – Kalikagum ti Sang Panlungsod nga ad-adda pay a matutukan dagiti ubbing ditoy ciudad ti Laoag iti panagusar ti internet.
Daytoy ket iti babaen ti maysa a resolusyon a mangadaptar iti Republic Act No. 11930 wenno “Anti-Online Sexual Abuse wenno Exploitation of Children (OSAEC) ken Anti-Child Sexual Abuse wenno Exploitation Materials (CSAEM) Act a sakupen na laeng iti ciudad.
Basar iti chairman ti Committee on Family Welfare, Women and Children, ti nasao a resolusyon ket makatulong tapno malimitaran iti agtultuloy a panagadu ti bilang dagiti agbalbalin a biktima iti Anti-Online Sexual Abuse wenno Exploitation of Children (OSAEC) ken Anti-Child Sexual Abuse wenno Exploitation Materials (CSAEM) Act .
Inlawlawag ti chairman ti nasao a komite a kadagitoy a panawen ket arigna agus-usar amin kadagiti application online nga isu ti pangrugyan dagiti ubbing iti kastoy nga aramid.
Inpakaammo na a babaen iti nasao a resolusyon ket malimitaran ti kastoy nga aramid babaen iti panagkikinamayet dagiti nagduduma nga ahensia ti gobierno kas ti Philippine National Police, Department of social welfare ken dadduma pay.
