LAOAG CITY – Inpasa ti konseho ti maysa a resolusyon mainaig iti panagkiddaw da kadagiti opisyal iti kada barangay ditoy ciudad ti Laoag ti panangasistir da kadagiti kabarangayan da nga agprehistro iti Philhealth Consulta package.
Segun iti chairman ti Committee on Laws, adda laeng iti sumurok kumurang a dua ribo nga indibidwal ti agdama a nakarehistro, awan pay 2% ti pkabuklan a bilang ti populasyon ditoy ciudad a sumurok kumurang 120 a ribo.
Kunana a babaen iti nasao a resolusyon ket magutigot ken matulongan dagiti tattao nga agparehistro babaen iti online wenno mismo nga agturong kadagiti accredited nga ospital kas iti Karmelli Hospital, City Health Office ken Governor Roque Ablan Senior Memorial Hospital.
Inbatad na nga amin a Pilipino, self employed, indigent, Senior Citizen, Persons With Disability ken awanan trabaho ket mabalin nga agaplikar iti nasao a programa.
Segun pay iti opisyal, rumbeng a gundawayan dagiti tattao ti programa ti Philhealth gapo ta makatulong daytoy kadagiti umili partikular iti para iti salun-at.
