LAOAG CITY – Inlawlawag ni Sang. Panlungsod Member RJ Fariñas nga awan ti nadalapus iti karbengan ni Barangay Chairwoman Marilyn Resquir iti Barangay 48-A Cabungaan, ditoy ciudad ti Laoag.
Daytoy ket kalpasan nga adda reklamo seknan iti nagbalin a resulta ti panagbubutos ti konseho mainaig iti kaso kontra kenni Resquir nga inpila da Kagawad Philip Pascual, Jovencio Gaspar ken dadduma pay.
Kunana nga apaman a nasuspenso ti Kapitana ket saan met a nag-apela daytoy iti motion to dismissed.
Ngem nu pay kasta ket kiniddaw ni Fariñas a marebisar manen dagiti dokumento seknan iti kaso ni Resquir, pakairamanan ti pannaka-review ti Republic Act 7176 tapno maawatan da a nalaing daytoy.
Innayonna a masapul pay a suroten ken iyunay-unay ti Implementing Rules and Regulations (IRR) ti nasao a linteg.
Malaksid iti daytoy ket kiniddaw pay ni Fariñas nga agisubmitir dagiti maseknan iti affidavit.
Maipalagip a napilaan ti kaso adminitrastibo ni Resquir gapo iti maipagarop a gross negligence wenno panagpirma kadagiti dokumento a nangipalubos iti pannakaiparuk-at ti pondo iti barangay a maatap nga inusar ti dati a treasurer para iti personal a banag.
