LAOAG CITY – Naipasa iti konseho ti maysa a resolusyon a mangkiddaw iti Commission on Election ti naiget a pannakaimplementar ti Section (36) ti Comelec Resolution No. 11076 tapno protehiran dagiti balota ditoy ciudad ti Laoag.
Segun iti maysa a konsehal, kasapulan ti naan-anay a pannakaprotehir dagiti balota iti umay nga eleksyon.
Kuna na a rumbeng a mapalagipan dagiti umili wenno dagiti agbotos , watchers , electoral boards ken mangisursuro no kasano ti kinapateg iti pannakaprotehir dagiti balota, karaman ditoyen ti pannakaipawil a maalaan ti ladawan, video ken dadduma pay.
Inpakaammo na a maipaayan to ti kopya ti resolusyon dagiti miembro wenno ag-facilitate intono eleksyon tapno maipalagip kadakuada dagiti rumbeng a maaramid tapno masigurado a maprotehiran dagiti balota para iti pagsayaatan ti amin.
