LAOAG CITY – Mapatta-patta nga umabot iti 10 a kalsada iti nagduduma a paset ti pagilian ti agtaltalinaed a saan pay mabalin a pagdalyasatan gapu iti nagbalin nga epekto ti bagyo a Kristine ken Leon, segun iti Department of Public Works and Highways (DPWH).
Karaman ditoy dagiti kalsada iti lugar ti Apayao, Batanes, Pampanga, Batangas, Albay, Camarines Sur, ken Cebu, a naapektaran gapu iti panagreggaay ti daga ken nakaru a layus.
Malaksid iti daytoy ket napaserraan met ti dua a rangtay idiay Batangas ken Camarines Sur kalpasan ti panagreggaay ti daga no sadinno nga agpapan ita ket mannarimaan pay laeng ti clearing operations.
Agtultuloy met ti panangisayangkat ti Department of Public Works and Highways iti clearing ken repair operations tapno malukatan manen dagiti naapektaran a kalsada ken rangtay.
Nasurok a dua ribu nga alikamen ken siam a ribu a personnel ti naidestino tapno masigurado ti napartak a panagtignay kadagiti nadadael nga imprastruktura.
Iti agdama, banbantayan met ti Department of Public Works and Highways dagiti apektado a lugar, ken isagsagana dagiti alternatibo a ruta para kadagiti motorista.
