LAOAG CITY – Natay ti sangapulo a tattao ken dua pay ti mannarimaan a a matamtaming iti ospital, agraman ti maysa nga indibidual nga adda iti kritikal a kasasaad kalpasan ti uram a napasamak iti maysa a care home iti amianan a daya ti España.
Segun iti emergency services, nasapa a napasamak ti uram iti ili ti Villafranca de Ebro no sadinno a kinuna dagiti lokal nga opisial a nasurok a 80 a tattao ti agnanaed iti pagtaengan iti dayta a tiempo.
Kinuna dagiti nakasaksi a nadadael ti umuna a kadsaaran ti pasdek ken ti panakalang-ab iti asuk ti nangitunda ti ipapatay dagiti nasao a maseknan.
Nakipagladingit met ni Spanish government’s delegate iti Aragón region, a ni Fernando Beltrán ken nangipaay ti kanayunan a tulong kadagiti biktima.
Kabayatanna, inpasigurado na nga itultuloyda ti imbestigasyon iti namunganayan ti nasao nga uram.
