LAOAG CITY – Agarop 1000 a bilang a nagduduma a kaykayo ti naimula ditoy ciudad kas paset iti naaramidan iti maika-100 nga aldaw ti administration ni Mayor James Bryan Alcid.
Daytoy ti inpakaammo ni Mrs. Mylene Pascual, mangidadaulo iti City Environment and Natural Resources Office ditoy ciudad ti Laoag.
Kunana nga idi nangrugi ni Alcid ket 10 a kaykayo ti maimulmula iti kada aldaw kangrunaan na iti ipil-ipil, coconut tree ken dadduma pay.
Mainaig iti daytoy , maragsakan ni Pascual ta naruay dagiti ahensia a timultulong kas iti National Tobacco Administration, Department of Environment and Natural Resources pakairamana iti opisina ti City Agriculture Office ken iti Liga ng mga baranggay .
Kabayatanna, kunana a daytoy nga aramid ket paset amin iti tarigagay ti administrasyon a mapagtalinaed a napintas ti aglawlaw ken kinadalos ditoy ciudad.
