LAOAG CITY – Nakaliklik iti mabalin a panangpapatay da koma ken ni Sangguniang Bayan Member Jovencio Pascua, agtawen ti 69, naasawaan ken residente iti Bgy. Manalpac iti ili ti Solsona.
Daytoy ket kalpasan a saan a timmama ti paltog ngas inputok ti saan a nabigbig a suspek.
Segun iti PNP –Solsona, kabayatan ti kaadda ti opisyal iti daan a tiendaan ti nasao nga ili ket apagiso koma nga aglugan koman iti lugan na a nakaparking iti sanguanan ti Relycel’s Pharmacy idi paltugan daytoy ti maysa a nakapaltog a lalaki.
Diniskribir ti opisyal ti lalaki a nanggandat a mangpapatay kenkuana a nakaarat ti puraw a t shirt ken maong pants.
Insigida met nagpaarayat ni Pascua ken nagresponde met nga insigida dagiti pulis ngem saan da a nakamatenen ti gunmen a nagturong iti direksiyon iti paset ti Bgy. Barcelona.
Agtultuloy pay laeng ti imbestigasyon ti nasao a pasamak gapu ta awan ti ammo a rason ni Pascua tapno gandaten da a papatayen daytoy.
