LAOAG CITY – Agimbestigar ti Sangguniang Panlalawigan seknan ti kaso administratibo a sangsanguen ni Bise Mayor Francis Espiritu iti ili ti Dumalneg.
Segun kenni Sangguniang Panlalawigan Member DaVinci Crisostomo, ti junta probinsyal ti agdesisyon kalpasan ti pakpakauna a conference iti nagbaetan dagiti dua a partido.
Kuna na a nasaysayaat nga adda ti pormal nga imbestigasyon tapno matingiting a naimbag ti kredibilidad ti tunggal masya.
Inbatad ni Crisostomo nga agparang dagiti testigo ti nagreklamo ken sumaruno a dumatag ti respondent kabayatan ti imbestigasyon.
Namunganay ti nasao nga isyu gapu ti maipagarup a panangdangran ti bise mayor kenni Froilan Suniga.
Maiyuswat ti imbestigasyon intono Setyembre 7 ita a tawen ken ditoy a maamuan no madismiss ti kaso wenno maaddaan ti preventive suspension ti naireklamo nga opisyal.
