LAOAG CITY – Linawlawagan ni Sangguniang Panlalawigan Member Vicentito Lazo, no apay a kalikagum na a mapaayaban manen ni District Engr. Nestor Pasion ti First Dist. ti DPWH bayat ti regular a sesyon da.
Segun ken ni Lazo no apay a kalikaguman na a mapaayaban a mismo ni Pasion ket gapu ta madlaw na a nakedked nga agresponde kadagiti kiddaw da a “data” panggep kadagiti aktibidad ti panag-quary iti distrito na.
Nupay kasta kuna ni Lazo a gapu ta inpatulod na da Assistant Ditst. Richard Ragaza ken Engr. Romeo Bartolome iti kaudian a sesyo n da isu a kinasarita na na dagitoy pangep ti nasao a banag.
Mangnamnama ni Lazo a ti kaudian a pannakisarita na kadagiti maseknan iti DPWH ket iti sumuno a pannakaimbitaranda ket mapatganen dagiti kidkidddawen da.
Saan met a naigawid ni Lazo iti nangibaga a gapu iti ugali ni Pasion ket amangan no iremunedara da iti paannakaiyakar na idiay Batanes ket ni Ragasa ti agtugaw a Dist. Engr.
Mainaig iti daytoy, ikarigatan ti opisina ti Dept. of Public Works and Highways (DPWH) ti 1st Dist. ti I.N. nga isubmitir dagiti kasaapulan ti Sangguniang Panlalawigan.
Segun ken ni Engr. Richard Ragasa, Assistant Dist. Engr., insigida a kinita da dagiti records a kasapulan ti opisyal ket manamnama nga iti kabiitan a panawen ket masiubmitir da iti kabiitan a pnawen.
Kuna na nga adda ti inted ni Lazo a pagibasaran da iti aramiden da a “data” a makita na a dakkel a makatulong para iti alisto a panangisagana da iti kidkiddawen ti opisyal.
Maipalagip nga adda idin inted ti DPWH a dokumneto iti Sanguniang Panlalawigan ngem kaykaytada ti nalawlawag a pannakaidatag kadakauda dagiti kalikagum da a datos ti panag-qurry iti umuna a distrito.
