LAOAG CITY – Inbatad ni Sang. Panlungsod Atty. Juan Conrado Respicio, chairman ti Comitee on Laws ditoy ciudad ti Laoag a nakasagana ti konseho ditoy ciudad a mangtratar iti kaso ni Brgy Kag. Rufino Bareng iti Brgy. 27 ditoy ciudad.
Daytoy ket kalpasan a kinumpirmaran ni Respicio a naipatulod kenni Bareng ti kopya ti kaso a naipila babaen kenni Brgy. Chairman Feriza Felipe iti nasao met laeng a barangay ken naikkan ti 15 nga aldaw tapno agsungbat titi kaso a maibatbato kenkuana.
Inlawlawag ni Respicio a nakaipasan ti internal rules ti konseho seknan ti panangtratar kadagiti kaso dagiti opisyales ti barangay.
Kunana nga adalen da a nasayaat daytoy tapno maipaay ti umno a pannusa kenni Bareng.
Innayon ti opisyal a daytoy ti ummuna a kaso administratibo a naawat da sipud nangrugi ti 11th sangguniang.
Maipalagip nga inbatad ni Felipe a naminpat a nagsasaruno a daras a saan a nagatendar ti regular session ni Bareng rason a naipilaan ti kaso administratibo.
Nupay kasta, inpetteng ni Bareng nga special wenno emergency session laeng ti saan na a nagatendaran ket gapo ta masakit ti nasao nga opisyal.
