LAOAG CITY – Kalikagum ti Sangguniang Panlungsod ditoy siudad ti Laoag a maisayangkat ti soil testing iti Brgy. Gabu Norte, partikular iti dike gapu iti naming dua a daras a pannakaperdi na daytoy.
Patien ti konseho a ti rason no apay a maperperdi ti nadakamat nga imprastaktura ket gapu iti maisaysayangkat a dredging sipud a ti damag a naipdanon kadakuada ket no umun-uneg ti dredging operation iti paset ti Padsan road ket maapapektaran met ti dike.
Inlawlawag met ti Department of Public Works and Highways nga amin a proyekto nangruna kadagiti pasdek, kalsada ken rangtay, ket agdalan iti soil testing sakbay a mangrugi ti implementasion
Nupay kasta, immanongda iti kiddaw ti Sangguniang Panlugsod a soil testing ngem saanda nga ummanamong a ti dredging ti rason ti pannakaperdi ti dike.
Basar iti panangilawlawagda, adda ti buffer zone a 500 meters manipud iti dike agingga iti mannarimaan a dredging activity tapno malapsan ti aniaman a pannakadadael.
Kabayatanna, kinuna ti ahensia a limitado iti kauneg ti dua a metro ti kasapulan a dredging tapno saan a madadael dagiti kritikal nga estruktura kas iti dike.
