LAOAG CITY – Impakaammo ni Sang. Panlungsod Secretary Allan Agustin nga adda mandar kenkuana a makikoordinar iti City Treasurer Office mainaig iti ordinansa a mangipaay ti insentibo kadagiti barangay opisyal a makalpas ti tallo a termino da.
Segun ken ni Mr. Agustin nangted ti Local Finance Committee ti kopya ti memorandum circular manipod iti Commission on Audit nga addaan ti petsa nga Oktubre 29, 2012 seknan ti disallowance.
Gapu iti daytoy ket kinuna ni Vice Mayor Carlos Fariñas a nagsukisok da a nasayaat sakbay a naipasa ti ordinansa ken masapol a maipaima pay daytoy iti biang ti Committee on Laws sipod ta daytoy ket naipasa pay laeng idi napalabas a tawen.
Kinumpirmaran met ni Agustin nga adda pay kopya nga inted ti supreme court decision a nagibasaran da.
Mainaig iti daytoy ket imbatad met ni Sang. Panlungsod Member Atty. Jason Perera nga adalen pay laeng ti Committee on Laws daytoy nga ordinansa sakbay a mangted ti naan-anay a detalye.
