LAOAG CITY – Adda pay ti nabatbati a 15 a porsiento ti saan a nalpas sakbay nga agoperar ti sanitary landfill iti Barangay Balatong ditoy ciudad ti Laoag.
Daytoy ti inbatad ni Engr. Roy Tomas, ti City Engineer ditoy ciudad ti Laoag bayat ti panagbisita ni Mayor Michael Marcos Keon iti sanitray landfill.
Segun kenni Tomas, iti katapusan ti bulan ti Disyembre ket mabalin ton a mausar ti kagudwa ti sanitary cell nga isu ti manarimaan a makalkali iti agdama kasta met ti liner ti lanfdill.
Kunana a target met a malatagan ti licheate pond agingga iti dua a lawas ken marugyan ti monitoring cell a mangkita no nadalos ti danom a maiparuk-at kangrunaan na ket adda met mangsagat kadagiti rugit.
Inlawlawag na a ti sibubukel a sanitary lanfdill ket mausar intono Marso iti sumaruno a tawen.
