Maad-adal ti pannakaamendar ti sanitation code ditoy probinsia.
Segun kenni Doctor Medeldorf Gaoat, chairman ti Committee on Health ditoy probinsia, 2013 paylaeng idi naudi a naamendaran ti nasao a linteg.
Kunana nga ado dagiti nagrairan a sakit a kas iti Covid-19 a rason pay ti nakaisardengan ti panagbakuna ti anti-rabies a nangitunda ti panagado ti kaso ken dadduma pay a sakit iti kallabes.
Gapu iti daytoy, ado dagiti kasapulan a mabaliwan tapnu maliklikan ti pannakaimpektar ti nagduduma a klase ti sakit.
Patien ni Gaoat nga immado ti tao, isut gapuna a kasapulan a mapapintas ken mapaigetan ti implementasyon ti health ken sanitation ditoy probinsya.
