LAOAG CITY – Nakasaganan nga agka-boyfriend ni Sanya Lopez.
Iti media conference ti pelikula a Samahan Ng Mga Makasalanan, nakigtot ti Kapuso actress idi masaludsod kenkuana no asino ti Chinese businessman a kade-date daytoy.
Nupay kasta, inadmitir ti aktres nga adda iti dating stage-da iti Chinese businessman a saannan nga inbuksilan ti pakabigbiganna.
Nakalukat para kenkuana ti posibilidad a maaddaan ti boyfriend ken seryoso met isuna iti daytoy.
Pursigido met ti panangrayo kenkuana ti nasao a Chinese businessman.
