Naragsak nga inburay ti kapuso actress ken Red Crown star a ni Sanya Lopez ti maipanggep ti agdama a lovelife na ken ti lalaki a namagpitik ti puso na.
Inyistorya ni Sanya a nangrugi ti love story na idiay Boracay nga isu ti nagam-ammoan da iti nobyo na iti tulong ti maysa a common friend.
Kuna na a kalpasan ti umuna a panagkita da, nagbalin a naanos ti lalaki a napan nangbisbisita kenkuana uray adayo pay ti paggapoan na.
Segun ken ni Sanya, ti nobyo na ket maysa nga half-Filipino ken half-foreigner.
Mainaig iti daytoy, inlawlawag ni Sanya a saanna nga ipopost iti social media iti nobyo gapu ta pribado a tao daytoy, ngem nawaya da met lattan nga agturong ken agkuyog kadagiti pampubliko a lugar.
