LAOAG CITY – Naarestar dagiti pito nga indibidwal gapo iti iligal a panagsusugal iti Barangay Sto. Tomas iti ili ti Pinili, Ilocos Nore.
Nabigbig dagitoy nga isuda Perlita Celon, 54; Lorna Ramos, 53; Lolita Manla, 63, agpapada a residente iti Barangay Sto. Tomas; Hamara Sapaden, Milagrosa Pacarien; Anna Mae Brown; John Mark Anthony.
Segun kenni Police Major Jephre Taccad, chief of police ti PNP-Pinili, da Brown ken Anthony ken taga probinsya ti Cagayan ken na-istranded da iti nasao a barangay.
Kinumpirmaran pay ni Taccad a da Sapaden, maysa a masikog ken asawa ti SK Chairman; Pacarien; Ramos ken Manla ket SAP benificiaries idinto a ni Celon ket miembro ti 4Ps ken nagsusugal dagitoy iti pagtaengan ti agnagan ti Robin Macaburas.
Kunana a basar iti nakalap da nga impormasyon ket kanayon nga agsusugal dagiti suspek ket adda ti agserserbi a look out da.
