LAOAG CITY – Kinumpirmaran ni Vice Mayor Vicentito Lazo ditoy siudad ti Laoag nga umabot iti walo a milyon a pisos a kangatuan a nasapulan ti CT Scan iti Laoag City General Hospital.
Daytoy ti maysa a rason a kalikagum ti lokal a gobyerno ditoy siudad ti Laoag a matarimaan ti naperdi a CT scan.
Kuna na a ti naudi a pammilin ket maipatulod ti nadadael a ramit iti dealer ti kompanya a nangaramid ti CT scan.
Maipalagip nga agbalur ti 70 a milyon a pisos ti nasao a CT scan idi nagatang.
Maipagarup a nadadael ti CT Scan gapu ti pannakabasa na babaen ti panagtedted ti danum manipud iti bobeda ken maipagarup a nagatang daytoy a segunda mano.
