LAOAG CITY – Manamnama a mailipas ti Sarrat District Hospital inton umay a bulan ti Hulyo ita a tawen.
Segun ken ni Mayor Remigio Medrano, iti agdama ket adda laengen dagiti sumagmamano a maikabil iti nasao a pasilidad pakairamanan ti transformer ken elevator.
Kunana a mannarimaan metten ti panakaterimaan dagiti waya ti kuryente iti nasao a pasilidad.
Kabayatanna, inbatad ti Mayor a dagiti pay laeng kameng ti Rural Health Unit iti ili ti Sarrat ti temporario nga agbalin nga staff iti ospital bayat ti pannaka-kompleto ti bakante a posisyon.
Innayon na nga ada pay t memorandum of agreement iti nagbaetan ti local government units ken medical providers kas iti radiologist pathologist ken dadduma pay.
Inpettengna nga iti daytoy a tawen a tawen ket pormal a malukatan ti nasao nga ospital.
