LAOG CITY – Naragsak nga inpakaamo ni Mr. Michael Malvar, maysa kadagiti coach ti Mathletes iti Sarrat National High School nga isuda ti nagbalin a World Champion iti naiyuswat a World International Mathematical Olympiad idiay Kuala Lumpur, Malaysia.
Segun kenni Malvar, nasurok 40,000 nga estudyante ti naglalaban ken 12 ti nakipagpaset a nagduduma a pagilian karaman ti Pilipinas iti nasao a kompetision ketn isuda ti napagasatan a nagkampeon ken nangiyawid ti nagduduma a certificates ken ken pammadayaw.
Kunana a dagiti lima nga estudyante da a nakilaban iti World International Mathematical Olympiad ket isuda Brian Jansen Vallejo a nagbalin a World Champion ken nakaala iti gold award, Allen Iver D. Barogga, Zyrene Agelica Dulluog nakaala ti gold award Natalie Margarett Balsilican kenni Ma. Cassandra Reich Duque a nakagun-od met ti silver award.
Mainaig iti daytoy, inpetteng na nga agtultuloy latta ti panagensayo dagiti ubbing gapo ta itisumarsaruno a bulan ket makilaban da manen iti final round a maisayangkat met idiay Guandong Macao.
Innayon ni Malvar a a daytoy ti mangipakitan ti kinatalentado iti benneg ti matemateka dagiti Pilipino kangrunaan na kadagiti agtutubo nga Ilokano.
Kabayatanna, nagyaman ni Malvar kenni Mrs. Marieta B. Yap, Principal IV iti Sarrat National High school iti napalaos a suporta na kadagitoy ken dagiti nagduduma a timmulong para iti dakkel a balligi da.
