LAOAG CITY – Mabalin a saan a dakes ti saturated fat ken cholesterol.
Daytoy ket basar iti propesor ken chemist a ni Dr. Fabian Dayrit ken American physician a ni Mary Newport.
Inbatad da Dayrit ken Newport a basar iti panagadal da, ti high contents ti saturated fats ken cholesterol iti diyeta ket mangipangato ti lebel ti kolesterol iti dara ken makatulong iti sakit iti puso.
Inpanganetget dagiti dua ti kinapateg a maam-ammo ti nagduduma ti klase na a taba ken ipatungpal ti napnuan kaipapanan a diskarte kadagiti rekomendasyon iti panagdiyeta a rumbeng a mangipaay ti ad-adda a komprehensibo a panagawat iti papel dagiti taba iti diyeta ti maysa a tao ken ti epekto na iti salun-at.
Iti immunan a naduktalan iti panagadal ti Journal of the American Heart Association a ti panagusar ti saturated fat, kas ti karne ti baka, karnero, baboy, mantika, cream, ken keso ket awan ti direkta nga epekto iti risgo a maaddaan ti sakit iti puso.
