LAOAG CITY – Nangisyu ti Saudi Arabia ti kaunaan nga air raid alerts para kadagiti residente iti Riyadh sipud nangipatungpal kadagiti panagraot ti Houthis.
Nangipatulod ti Saudi Civil Defence iti alerto para iti Riyadh ken dagiti dadduma pay a rehiyon kabayatan ti agtultuloy a riribok iti nagbaetan ti Saudi Arabia ken ti Iran-backed Houthis.
Iti laeng kallabes ket nakontrol ti Houthis ti strategic port iti ciudad ti Mokha ken Perim Island, ti maysa a kangrunaan a shipping route a maus-usar babaen ti Gulf state tapno ag-export iti Asia ken Europe.
Inpetteng ti pannakangiwat ti Iran-backed group a ti naval blockade ket paset ti panagibales da iti panangserra ti Saudi kadagiti pantalan ken erupuerto iti Houthi iti amianan a laud iti Yemen.
