LAOAG CITY – Nalappedan ti Ministry of Defense ti Saudi Arabia ti uppat a ballistic missiles.
Ti nasao a missiles ket tinargetna ti sumagmamano a pasilidad iti Riyadh.
Binalakadanda dagiti residente nga aglemmeng kadagiti pagtaenganda gapu iti panagwaras ti debris ken liklikan a piduten dagitoy.
Inpannakkel ti Israel Defense Forces (IDF) nga adda ti 200 a target ti tinamaanda iti Iran.
Babaen kadagiti fighter jets ket tinamaanda ti target iti western ken central Iran.
Karaman dagiti lugar no sadinno a nakadulin dagiti ballistic missiles, air defense systems, ballistic missile launchers ken pagaramidan kadagiti armas.
Inpasingked ti Israel nga agtultuloy ti iwayatda a panangatake iti Iran agingga a maibusan dagitoy ti armas.
