LAOAG CITY – Sayang na sayang ti Laoag City General Hospital.
Daytoy ti nabagas a sarita nga inibbatan ni Ilocos Norte 1st District Rep. Sandro Marcos.
Segun kenkuana, daytoy ket kalpasan a maipagarup a sabali ti ipangpangruna ni Mayor Michael Marcos Keon imbes a dagiti dadduma pay a parikot ti siudad ti umuna a solbarenna.
Inbatadna a ti Presidente ti pagilian ket aggapu mismo ditoy probinsia ngem saan a masolbar dagiti problema iti nasao nga ospital.
Mainaig iti daytoy, kuna ni Gov. Matthew Marcos Manotoc a daytoy ti maysa kadagiti banag a makitkitana a saan a kabaelan nga ikkan ti solusion ti Mayor kabayatan ti panagtugawna.
Nupay kasta, inpasingked ti Gobernador a nakasagana daytoy a makikaysa iti Mayor para iti pagimbagan dagiti umili.
Maipalagip a nasakit ti nakem ni Mayor Keon iti nagbalin a rakurak ni Gov. Manotoc nga arig awan ti nagdur-asan ditoy siudad ti Laoag kabayatan ti panagtakemna iti puesto.
