LAOAG CITY – Indauloan ti P-Pop group nga SB19 ti 2026 Awit Awards babaen ti 12 a nomination iti nagduduma a kategoria pakairamanan ti Album of the Year para iti “Simula at Wakas.”
Kasaruno iti pakasaritaan a performance iti Lollapalooza music festival idiay Chicago iti Estados Unidos idi Hulio, ket nadominarda met ti local scene kalpasan a nagun-odda iti kaadoan a nominations iti 39th edition ti Awit Awards a makonsiderar kas biggest award-giving stage for original Filipino music.
Pakairamanan ti “Simula at Wakas” album-da, nainominar pay ti song tracks a “Dam” kas Record of the Year ken “Dungka” kas Song of the Year.
Kabayatanna, simmaruno met ti IV of Spades a nakagun-od ti 11 nomination ken singer-songwriter Dionela a nakagun-od ti 10.
