LAOAG CITY – Ibilang ni Sangguniang Bayan Member Efren Valdez iti ili ti Paoay a saan a maikanatad a saan a maikkan dagiti mannalon iti ayuda manipud iti Social Amelioration Program nupay adda dagiti immawat ti ayuda gapu ti pannakaapektar da ti Rice Tariffication Law.
Inlawlawag na nga adda ti first batch dagiti mannalon nga immawat iti lima a ribo a pisos kas tulong kadakuada a naapektaran ti Rice Tariffication Law idi bulan ti Pebrero.
Daytoy ket dagiti mannalon nga addaan ti taltalonen a .5 hectare agpangato.
Kuna ni Valdez nga adda met ti second batch a maikkan ti tulong a dagitoy ket adda ti taltalonen na nababbaba ngem .5hectare a pagtatalonan.
Inbatad na a nagbalin a problema da dagiti second batch idi naabutan ti problema ti coronavirus pandemic.
Kabayatanna, idi naipatungpal ti Social Amelioration Program ket maipagarup nga insumitir ti Department of Agriculture ti listaan dagiti mannalon iti second batch babaen ti superbisyon ti DSWD para iti SAP.
Inpetteng ni Valdez a saan nga agpada iti ayuda manipud iti Department of Agriculture ken sabali iti ayuda manipud iti Department of Social Welfare and Development.
Kinumpirmaran na a maiyapela ti nasao a problema iti Municipal Agriculture Office (MAO) ken mai-recalssify dagiti takder ti DA ken panagbirok ti lokal a pondo tapno masolbar ti problema.
Innayon na nailungalong a mausar ti pondo ti Tourism Council para kadagiti displaced worker ngem nasken pay laeng iti pannakaadal na.
