LAOAG CITY – Namnamaen ni Supreme Court Chief Justice Diosdado Peralta a mabuangay ita a tawen ti Philippine Marshall, maysa nga independent armed unit iti babaen ti Korte Suprema.
Iti ekslusibo nga interview ti Bombo Radyo Laoag kenni Chief Justice Peralta, ti Philippine Marshall ket nai-pattern iti United States-Marshall nga agkalikagum a mangipaay ti hustisya kadagiti justices ken judges a biktima iti pammapatay.
Segun kenkuana, daytoy ket maysa kadagiti 10 point agenda na a mangipaay iti proteksyon kadagiti agpapay iti judiciary ken iti seguridad ti Halls of Justice.
Inlawlawag na a maaddaan iti nagduduma a division ken personnel ti nasao nga opisina.
Gagem ti nasao a grupo a dagituyen ti agimbestigar no adda ti mapapatay nga abogado ditoy pagilian.
Ni Peralta ket bumisbisita ditoy Laoag City ken Ilocos Norte a nakaiyanakan na, ti kaunaan a panagbisita na sipud naapointaran a kas Chief Justice ti Korte Suprema.
